Fréttir

Víða á norðanverðu landinu hefur verið ákveðið að flýta göngum vegna yfirvofandi illviðris um komandi helgi. Þannig hefur þegar hefur verið tekin ákvörðun um að flýta göngum í allri Suður-Þingeyjarsýslu og Kelduhverfi. Í Húnaþingi vestra fara gangnamenn af stað í dag og reiknað er með að þar verði smalað á morgun og á fimmtudag. Í Austur-Húnavatnssýslu er stefnt á að smala víða á morgun og fimmtudag og sömu sögu er að segja úr Skagafirði og Eyjafirði.

Vegna tafa í prentsmiðju hefur prentun á haustbókum ekki gengið samkvæmt áætlun. Bækurnar eru sendar út til bænda um leið og þær koma úr prentun og eru þær að fara í póst þessa dagana. Biðjumst við velvirðingar á þessum töfum en vonumst til að megnið bókunum verði sent út á næstu dögum.

Veðurstofan spáir norðanhríð með slyddu eða snjókomu í 150-250 metra hæð yfir sjávarmáli á föstudag og vindhraða allt að 15-23 m/s. Á laugardagsmorgun er svo von á norðvestan 18-25 m/s á Norður- og Austurlandi og mikilli rigningu neðan við 100-200 metrum yfir sjávarmáli, en annars slyddu eða snjókomu. Bændur norðanlands eru á tánum af þessum sökum og víða er fundað í kvöld vegna þessa enda óveðrið í september í fyrra mönnum í fersku minni. Þá drápust um 3.500 kindur í Þingeyjarsýslum og Eyjafirði. Svo gæti því farið að göngur hefjist víða strax á morgun eða 2-3 vikum fyrr en ætlað var.

Sjávarútvegs-,landbúnaðar- og umhverfisráðherra Sigurður Ingi Jóhannsson, sótti Ráðgjafarmiðstöð landbúnaðarins heim síðastliðinn fimmtudag ásamt aðstoðarmanni sínum Helgu Sigurrós Valgeirsdóttur.

Árlegur ráðunautafundur um jarðræktarmál var haldinn nú rétt fyrir helgi. Að þessu sinni var fundurinn haldinn í Skagafirði og var meðal annars farið að Hofsstaðaseli, í Keldudal og að Vindheimum þar sem skoðuð voru jarðvinnslutæki og jarðræktartilraunir.

Þegar hafa borist á þriðja hundrað pantanir vegna lambaskoðunar og hrútasýninga. Bændur eru hvattir til að panta sem fyrst því það eykur líkurnar á að menn fái óskir sínar uppfylltar.

Birgitta Lúðvíksdóttir sauðfjárbóndi á Möðruvöllum í Hörgársveit hefur unun af kindunum sínum. Í dag gekk hún til fjalls og hitti þar fyrir eitt af lömbunum sínum sem hún tók reyndar í fóstur sl. vor. Bæði fóru sátt frá þeirri heimsókninni, hrúturinn kollótti með brauðsneiðina sína og Birgitta yfir vel heppnuðu "fóstruhlutverki". Smellið á "lesa meira" til að sjá þessa flottu mynd. AGG

Hér má sjá hollaröðun fyrir yfirlitssýningu kynbótahrossa á Dalvík, föstudaginn 23. ágúst. Dómar hefjast kl. 08:30

Yfirlit síðsumarssýningar á Gaddstaðaflötum fer fram föstudaginn 23. ágúst og hefst stundvíslega kl. 8:30.

Búið er að uppfæra kynbótamat í sauðfjárrækt fyrir alla eiginleika sem það er reiknað fyrir. Beðið var með að senda út haustbækur sökum þess, en þær fara að berast mönnum í næstu viku. Líkt og undanfarin ár hafa verið teknir saman listar yfir efstu hrúta í kynbótamati fyrir hvern eiginleika fyrir sig. Þessir listar eru nú aðgengilegir hér á heimasíðu RML, fyrr í sumar voru komnir listar yfir efstu hrúta í gerð, fitu og kjötgæðum. Núna bætast við listar yfir efstu hrúta í frjósemi, mjólkurlagni og heildareinkunn. Einnig er þarna listi yfir sæðingahrúta og umfjöllun um breytingar á kynbótamati þeirra hrúta sem voru í notkun síðasta vetur og eiga stóra afkvæmahópa um allt land nú í haust.