Tilkynning um nautkálf

Þegar að væntanleg nautsmóðir (með rautt flagg í Huppu) eða efnileg kvíga (með grænt flagg í Huppu) ber nautkálfi undan sæðinganauti óskum við eftir því að tilkynnt sé um kálfinn til nautgriparæktarráðunauta RML og hann boðinn stöðinni til kaups. Þeir taka ákvörðun um hvort kálfurinn verði keyptur á Nautastöðina eður ei. Sé áhugi á kálfinum verður óskað eftir því að kálfurinn verði merktur með DNA-merki og sýnið sent til arfgreiningar. Að lokinni arfgreiningu og keyrslu erfðamats kemur í ljós hvort kálfurinn stenst þær kröfur sem gerðar eru. Áður en endanlega ákvörðun um kaup er tekin mun ráðunautur koma og skoða kálfinn og móðurina. Meðal þess sem skoðað er hvort kálfurinn sé rétt skapaður, kollóttur, með rétt bit, ekki eineistungur, fjöldi spena o.fl. Standist kálfur og móðir skoðun verður kálfurinn keyptur á stöðina.

Um kálfinn