Fréttir

Niðurstöður skýrslnanna í nautgriparæktinni í maí hafa verið reiknaðar og birtar á vef okkar. Þær eru reiknaðar út frá þeim skýrslum sem búið var að skila á miðnætti þ. 10. júní. Þá hafði verið skilað mjólkurskýrslum frá 93% þeirra 582 búa sem skráð eru í skýrsluhaldinu. Síðustu 12 mánuði mjólkuðu 21.155,1 árskýr 5.655 kg að meðaltali og hækkaði útreiknuð meðalnyt um 18 kg frá fyrra mánuði. Meðalfjöldi árskúa á búunum sem skýrslum hafði verið skilað frá var 39,0 en var 39,3 við síðasta yfirlit. Stærstu búin eru í Eyjafirði með 47,2 árskýr en flestar árskýr eru í Árnessýslu, 4.273,1. Mestar reiknaðar afurðir eftir árskú síðustu 12 mánuði voru í Austur-Skaftafellssýslu 6.071 kg.

Síðastliðinn föstudag, þann 7. júní fengu starfsmenn RML á Hvanneyri heimsókn frá Norsk Landbruksrådgiving SörÖst en það er norskt ráðgjafarfyritæki í landbúnaði. Það var Ragnar F. Sigurðsson sem fylgdi hópnum, en hann starfaði um tímabil hjá fyrirtækinu í Ási í Noregi. Þessi ráðgjafarmiðstöð leggur helst áherslu á ráðgjöf varðandi grænmetisrækt og ráðgjöf vegna landbúnaðarbygginga.

Um síðustu áramót var reglum um greiðslur gæðastýringarálags breytt þannig að nú þarf að skila sýnum úr mjólk kúnna hið minnsta tvisvar á hverjum ársfjórðungi ef ætlunin er að halda eða öðlast rétt til að fá greitt gæðastýringarálag.

Yfirlitssýning kynbótahrossa fer fram á Melgerðismelum föstudaginn 7. júní 2013 og hefst kl 09:30.

Fyrra yfirlit fer fram á Gaddstaðaflötum föstudaginn 7. júní og hefst stundvíslega kl. 8:30.

Fyrra yfirlit fer fram á Gaddstaðaflötum föstudaginn 7. júní og hefst stundvíslega kl. 8:30. Röð flokka verður eftirfarandi:

Fagráð í nautgriparækt fundaði í gær að lokinni kynbótamatskeyrslu sem fram fór í lok maí. Ákveðið var að setja sex naut úr árgangi 2007 í notkun sem reynd naut. Nautin eru úr þeim hluta árgangsins sem kominn er með nægjanlegan fjölda dætra með afurðaupplýsingar, mjaltaathugun og útlitsdóm. Þessi naut eru Sandur 07014 frá Skeiðháholti, Rjómi 07017 frá Heggsstöðum, Dúllari 07024 frá Villingadal, Húni 07041 frá Syðra-Hóli, Toppur 07046 frá Kotlaugum og Lögur 07047 frá Egilsstöðum.

Sýning hefst hvern dag með mælingum kl. 7:50. Dómar hefjast kl. 8:00. Yfirlitssýning mun verða föstudaginn 14. júní og laugardaginn 15. júní og verður auglýst nánar þegar nær dregur.

Eftirfarandi tilkynning hefur borist frá Guðlaugi Antonssyni hrossaræktarráðunauti RML: Ágætu hrossaræktendur og aðrir hestamenn. Ekki er þörf á að endurtaka neitt af því sem fram hefur komið í fjölmiðlum varðandi atvik sem varð við dóma kynbótahrossa á Selfossi núna í vikunni. Ég ber ábyrgð á niðurröðun dómara til starfa og endurmenntun þeirra. Allir dómarar sem að dómstörfum koma á Íslandi hafa staðist ströng próf þar um og eru auk þess allir með alþjóðleg réttindi og margir hverjir með áratuga reynslu af dómstörfum.

Í dag funduðu forsvarsmenn Ráðgjafarmiðstöðvar landbúnaðarins, Bændasamtaka Íslands og Bjargráðasjóðs með fulltrúum frá Atvinnuvega- og nýsköpunarráðuneytinu vegna afleiðinga ótíðar á Norður- og Austurlandi. Mikið kal er á stórum svæðum í þessum landshlutum og bændur standa frammi fyrir verulegum vanda.