Fréttir

Yfirlitssýning annarar vorsýningar á Rangárbökkum fer fram fimmtudaginn 6. júní og hefst kl. 08.30 Hollaröð má nálgast í gegnum hnappinn Röðun hrossa á kynbótasýningum.

Benny Jensen ráðunautur frá BJ-Agro í Danmörku kemur til landsins mánudaginn 10. júní næstkomandi. Hann mun heimsækja bú og skoða kartöflugarða en einnig mun hann skoða kornakra en síðustu ár hefur RML boðið upp á kornskoðun með Benny bændum að kostnaðarlausu. Reynt er að horfa til þess að dreifa staðsetningum milli ára eins og hægt er.

Hér má sjá hollaraðir Hóla, fyrir næstu tvær vikur. Athugið, dæmt verður á 17. júní (mánudag) þar sem ekki var unnt að koma hrossunum fyrir á þessum tveimur vikum með öðru móti.

Vegna veðurs varð að aflýsa sýningunni á Hólum sem vera átti í þessari viku. Það setti eitt og annað úr skorðum. Til að reyna að koma til móts við óskir knapa var nokkrum hrossum að norðan bætt inn á sýninguna í Spretti. Hollaröðun hjá þeim sem þegar voru skráði á sýninguna breyttist eingöngu á miðvikudeginum 12. júní, búið er að senda út tölvupóst á þá knapa sem voru færðir til. Hollaröð hefur verið uppfærð hér á síðunni.

Nú um mánaðamótin maí/júní náðist sá áfangi að fjöldi arfgreindra nautgripa fór yfir 30 þúsund, nánar tiltekið í 30.038. Af þessum rúmlega 30 þús. gripum eru 16.320 kýr, 12.042 kvígur og 1.676 naut. Skiptingin miðast við stöðu gripanna eins og hún er skráð í dag eins og sjá má hvað best á því að af rúmlega 16 þús. kúm eru 430 fæddar 2022, þ.e. þær voru arfgreindar sem kvígur eru nú orðnar mjólkurkýr. Stærstur hluti þessara gripa er fæddur 2023 en af gripum fæddum á því ári hafa verið arfgreind 361 naut og 8.645 kvígur.

Vegna áframhaldandi vondrar veðurspár hefur verið ákveðið að aflýsa sýningarvikunni 3. - 7. júní (vika 23) á Hólum. Hross sem skráð eru á þá viku, munu færast yfir á næstu viku á eftir (vika 24) og hefjum við þá dóma sunnudaginn 9. júní.  Það stefnir þá í langa og stranga viku 9. - 14. júní og biðjum við þá knapa sem ekki sjá sér fært að sýna þá,  að hafa samband og einnig ef einhverjir geta fært sig yfir í viku 25, þá höfum við örlítið rými til að bæta við örfáum hrossum þar til að minnka álagið á yfirlitsdegi í viku 24..

Vegna vondrar veðurspár verður að breyta fyrirkomulagi dóma á Hólum í komandi viku.  Ekki verður dæmt dagana 3.-5. júní (mánudag - miðvikudag). 

Það verður mikið um að vera á kynbótabrautunum vikuna 10. til 14. júní en þá vera þrjár sýningar í gangi á Suðurlandi og ein á Norðurlandi. Sýningarnar eru á Rangárbökkum við Hellu (120 hross), Spretti í Kópavogi (120 hross), Brávöllum á Selfossi (70 hross) og á Hólum í Hjaltadal (30 hross). Röðun hrossa á þessum sýningum hefur verið birt hér á síðunni. Dómar hefjast stundvíslega kl. 8:00 mánudaginn 10. júní á Rangárbökkum við Hellu, Spretti í Kópavogi og Brávöllum á Selfossi. Sýningin á Hólum hefst stundvíslega kl. 8:00 þriðjudaginn 11. júní. Yfirlit verður á miðvikudeginum á Hólum, fimmtudegi á Brávöllum á Selfossi en á föstudeginum á hinum sýningunum. Við viljum biðja sýnendur að mæta tímanlega svo hægt verði að halda tímasetningar sem best. Hollaröðun í frétt:

Yfirlitssýning fyrstu vorsýningar á Rangárbökkum fer fram föstudaginn 31. mai og hefst kl. 08.00 Hollaröð má nálgast í gegnum hnappinn Röðun hrossa á kynbótasýningum.

Röðun hrossa á kynbótasýninguna á Rangárbökkum 3. til 6. júní hefur verið birt hér á síðunni. Alls eru 73 hross skráð. Dæmt verður frá mánudegi til miðvikudags og yfirlitssýning á fimmtudeginum 6. júní. Mælingar hefjast kl. 7:50 og þá þurfa hross að vera mætt og tilbúin í mælingu, þannig að dómstörf geti hafist kl. 8:00.