Fréttir

Það verður mikið um að vera á kynbótabrautunum vikuna 10. til 14. júní en þá vera þrjár sýningar í gangi á Suðurlandi og ein á Norðurlandi. Sýningarnar eru á Rangárbökkum við Hellu (120 hross), Spretti í Kópavogi (120 hross), Brávöllum á Selfossi (70 hross) og á Hólum í Hjaltadal (30 hross). Röðun hrossa á þessum sýningum hefur verið birt hér á síðunni. Dómar hefjast stundvíslega kl. 8:00 mánudaginn 10. júní á Rangárbökkum við Hellu, Spretti í Kópavogi og Brávöllum á Selfossi. Sýningin á Hólum hefst stundvíslega kl. 8:00 þriðjudaginn 11. júní. Yfirlit verður á miðvikudeginum á Hólum, fimmtudegi á Brávöllum á Selfossi en á föstudeginum á hinum sýningunum. Við viljum biðja sýnendur að mæta tímanlega svo hægt verði að halda tímasetningar sem best. Hollaröðun í frétt:

Yfirlitssýning fyrstu vorsýningar á Rangárbökkum fer fram föstudaginn 31. mai og hefst kl. 08.00 Hollaröð má nálgast í gegnum hnappinn Röðun hrossa á kynbótasýningum.

Röðun hrossa á kynbótasýninguna á Rangárbökkum 3. til 6. júní hefur verið birt hér á síðunni. Alls eru 73 hross skráð. Dæmt verður frá mánudegi til miðvikudags og yfirlitssýning á fimmtudeginum 6. júní. Mælingar hefjast kl. 7:50 og þá þurfa hross að vera mætt og tilbúin í mælingu, þannig að dómstörf geti hafist kl. 8:00.

Kynbótadómar hefjast á Hólum í Hjaltadal í næstu viku. 120 hross eru skráð til dóms sem er full sýningarvika. Hér má sjá hollaröðun fyrir sýninguna:

Skráningarfrestur á sýningarnar á Hólum í Hjaltadal og Spretti í Kópavogi vikuna 18. til 21. júní hefur verið framlengdur til miðnættis á föstudeginum 31. maí. Nánari upplýsingar er hægt að fá í síma 516-5000 eða senda tölvupóst á netfangið rml@rml.is.

Röðun hrossa á kynbótasýninguna í Víðidal hefur verið birt hér á síðunni. Alls eru 120 hross skráð. Dæmt verður frá kl. 8:00 til 19:30. Við biðjum sýnendur og eigendur um að mæta tímanlega. Mælingar hefjast kl. 7:50 og þá þurfa hross að vera mætt og tilbúin í mælingu, þannig að dómstörf geti hafist kl. 8:00. Sama á við um hollið eftir hádegið, dómar hefjast kl. 12:30 og þá þurfa hross að vera mætt í mælingu kl. 12:20 og eftir kaffihlé hefjast mælingar kl. 15:50.

Við viljum vekja athygli á því að Vegvísir við kynbótadóma fyrir árið 2024 er aðgengilegur öllum á heimsíðu RML. Vegvísirinn inniheldur allar helstu upplýsingar varðandi hvað bera að hafa í huga við dóma og framkvæmd kynbótasýninga. Í honum má finna helstu reglur sem gilda um framkvæmdina, vinnureglur FEIF við kynbótadóma sem og stigunarkvarða einstaklingsdóma. Við hvetjum sýnendur og aðstandendur hrossa að kynna sér Vegvísinn fyrir sýningar sumarsins.

Síðasti skráningardagur á allar vorsýningar er á miðnætti á morgun föstudaginn 24. maí. Skráning og greiðsla fer fram hér á heimasíðu RML. Sýning verður ekki haldin nema lágmarksfjöldi skráninga náist sem eru 30 hross. Í töflunni hér fyrir neðan má sjá á hvaða sýningum eru laus pláss.

kráningar á vorsýningar ganga vel og eru nú þegar 7 af 12 sýningum fullar. Enn er þó nóg eftir af plássum og skráningarfrestur er til 24. maí. Á fyrstu sýninguna á Rangárbökkum, vikuna 27. til 31. maí eru 120 hross skráð. Dæmt verður frá kl. 8:00 til 19:30. Er það von okkar að með aðeins breyttu fyrirkomulagi takist okkur að halda tímasetningar betur en oft hefur verið. Til þess að það gangi þurfa allir að leggja sig fram, dómarar, eigendur, sýnendur og annað starfsfólk. Samstarf þessara aðila gengur lang oftast frábærlega og ber að þakka það.

Niðurstöður skýrsluhalds nautgriparæktarinnar síðustu 12 mánuðina, þegar apríl er á enda, hafa nú verið birtar á vef okkar. Niðurstöðurnar byggja á þeim skýrslum sem hafði verið skilað um hádegisbilið þann 13. maí. Þegar niðurstöðurnar voru reiknaðar hafði verið skilað mjólkurskýrslum frá 447 búum en uppgjör kjötframleiðslunnar náði að þessu sinni til 115 búa þar sem framleitt var nautakjöt en ekki stunduð framleiðsla mjólkur til sölu. Reiknuð meðalnyt 24.287,1 árskýr á búunum 447 var 6.494 kg. eða 6.515 kg. OLM