Fréttir

Loftslagsvænn landbúnaður er hluti af aðgerðaáætlun stjórnvalda í loftslagsmálum. Markmið verkefnisins er að draga úr losun gróðurhúsalofttegunda og auka kolefnisbindingu. Auglýst er eftir fimmtán þátttökubúum í nautgriparækt, til allt að fimm ára, sem hafa áhuga á að setja sér skriflega aðgerðaáætlun fyrir búreksturinn, hrinda markmiðum í framkvæmd og vera virkir þátttakendur í vegferð landbúnaðarins að loftslagsvænum lausnum.

Niðurstöður skýrsluhalds nautgriparæktarinnar nú í nýliðnum maí, hafa nú verið birtar á vef okkar. Niðurstöðurnar byggjast á skilum eins og þau voru um hádegisbilið þann 13. júní. Þegar áður nefndar niðurstöður voru reiknaðar höfðu borist mjólkurskýrslur frá 484 búum en uppgjör kjötframleiðslunnar náði til 122 búa þar sem var framleitt nautakjöt en ekki stunduð framleiðsla mjólkur til sölu. Reiknuð meðalnyt 24.370,7 árskúa á búunum 484 reyndist 6.322 kg eða 6.383 kg OLM (af orkuleiðréttri mjólk) síðustu 12 mánuðina. Meðalfjöldi árskúa á fyrrgreindum búum var 50,4.

Benny Jensen ráðunautur frá BJ-Agro í Danmörku verður hér á landi dagana 13. júní-16. júní nk. Hann mun heimsækja bú og skoða kartöflugarða en einnig kornakra á nokkrum stöðum. Þar verða akrarnir skoðaðir og m.a. metið hvernig til hefur tekist, hvort ástæða sé til að bæta úr einhverju eða hvort eitthvað hefði mátt gera betur. Kornbændum og öðru áhugafólki um kornrækt er boðið að skoða tiltekna akra með Benny og ráðunautum frá RML. Ekki verður hægt að óska eftir heimsókn í sérstaka akra að þessu sinni og ekki verður innheimt þátttökugjald af þeim sem mæta.

Yfirlit á Sörlastöðum fer fram föstudaginn 10. júní og hefst stundvíslega kl. 08.00 Hollaröð má nálgast hér að neðan.

Yfirlitssýning þriðju dómaviku á Gaddstaðaflötum fer fram föstudaginn 10. júni og hefst stundvíslega kl. 08.00. Hollaröð má nálgast hér fyrir neðan. Áætluð lok sýningar eru um kl. 17.00

Yfirlitssýning í Spretti fer fram fimmtudaginn 9. júní og hefst stundvíslega klukkan 08:30. Áætluð lok sýningarinnar er um klukkan 12:15. Hollaröð á yfirliti má nálgast hér að neðan.

Yfirlitssýning annarrar dómaviku á Hólum í Hjaltadal fer fram fimmtudaginn 9. júní og hefst stundvíslega kl. 08:30. Áætluð lok sýningar um kl. 12:30. Hollaröð yfirlits má sjá hér að neðan. Sjá nánar: Röðun á yfirlit

Yfirlitssýning annarrar dómaviku á Gaddstaðaflötum fer fram laugardaginn 4. júní og hefst stundvíslega kl. 08:00. Áætluð lok sýningar um kl. 19:30. Hollaröð yfirlits má sjá hér að neðan. Ath. að tímalengd á holl reiknast u.þ.b. 12-13mín.

Hollaraðir fyrir kynbótasýningar vikuna 13. til 18. júní hafa verið birtar hér á síðunni. Sýningarnar hefjast sem hér segir: Mánudaginn 13. júní á Gaddstaðaflötum og Sörlastöðum, stundvíslega kl. 8:00. Yfirlitssýning verður laugardaginn 18. júní. Mánudaginn 13. júní á Selfossi og Hólum í Hjaltadal, stundvíslega kl. 8:00. Yfirlitssýning verður á fimmtudeginum 16. júní. Við viljum biðja knapa að mæta tímanlega svo hægt verið að halda tímasetningar sem best.

Yfirlitssýning Hólum 3.júní og hefst stundvíslega kl. 8:30.