Fréttir

Yfirlitssýning kynbótasýningar í Víðidal fer fram þriðjudaginn 14. maí og hefst klukkan 9:30 (áætluð lok um kl. 12:00).

Kynbótasýning fer fram á Brávöllum á Selfossi dagana 27. til 31. maí. Skráning og greiðsla sýningargjalda fer fram í gegnum netið á síðunni www.worldfengur.com þar sem valið er „Skrá hross á kynbótasýningu“. Einnig er hægt að skrá hross til sýningar hér á heimasíðu RML í gegnum flýtihnapp á forsíðunni. Síðasti skráningar- og greiðsludagur er nk. föstudag 17. maí, nema sýning fyllist, þá lokast sjálfkrafa fyrir skráningar.

Niðurstöður skýrslna nautgriparæktarinnar í apríl 2013 hafa nú verið reiknaðar og birtar á vef okkar. Þegar niðurstöðurnar voru teknar saman var búið að skila skýrslum frá 94% þeirra 585 búa sem skráð voru í skýrsluhaldið í mánuðinum. Árskýrnar voru 21.610,3 og mjólkuðu 5.637 kg að meðaltali síðustu 12 mánuði. Það er lækkun um 8 kg frá næsta tólf mánaða tímabili á undan en fyrir mánuðinn þar á undan hafði hækkunin reiknast 8 kg. Meðalbúið taldi 39,3 árskýr á síðustu 12 mánuðum.

Kynbótasýning fer fram á Akureyri dagana 16.-17. maí: Dómar fara fram fimmtudaginn 16. maí og byrja kl. 9:00. Yfirlitssýning verður föstudaginn 17. maí og byrjar kl. 10:00.

Fulltrúar frá atvinnuvega- og nýsköpunarráðuneytinu, Bændasamtökunum, Ráðgjafarmiðstöð landbúnaðarins og Bjargráðasjóði héldu sinn annan fund í morgun til að fara yfir stöðu mála á Norður- og Austurlandi þar sem víða eru mikil snjóþyngsli og á mörgum bæjum hætta á kali vegna svellalaga á túnum.

Kynbótasýning fer fram á Sörlastöðum í Hafnarfirði dagana 21. til 24. maí. Skráning og greiðsla sýningargjalda fer fram í gegnum netið á síðunni www.worldfengur.com þar sem valið er „Skrá hross á kynbótasýningu“. Einnig er hægt að skrá hross til sýningar hér á heimasíðu RML í gegnum flýtihnapp á forsíðunni.

Uppgjör á skýrslum fjárræktarfélaganna fyrir árið 2012 lauk fyrir nokkru síðan. Afurðir á landsvísu hafa aldrei verið meiri í sögu skýrsluhaldsins sem spannar nú orðið nokkra áratugi. Afurðir eftir allar fullorðnar ær voru 27,3 kg á síðasta ári. Þær voru 26,5 kg árið 2011 og fara þarf aftur til ársins 2000 til að finna sambærilegar afurðir.

Ráðgjafarmiðstöð landbúnaðarins (RML) og Tölvudeild Bændasamtakanna (BÍ) hafa gert með sér samkomulag um notendaþjónustu vegna dkBúbótar. Jóhanna Lind Elíasdóttir, ábyrgðarmaður rekstrar hjá RML, og Jón Baldur Lorange, sviðsstjóri Tölvudeildar BÍ, handsöluðu samkomulagið fyrir skömmu. Samkomulagið felur í sér að notendur dkBúbótar geta hringt í þjónustunúmerið 563-0368 á virkum dögum ef þá vantar aðstoð vegna forritsins. Sett hefur verið saman teymi, skipað starfsfólki tölvudeildar BÍ og RML, sem sinnir notendaþjónustu sem er innifalin í árgjaldi að dkBúbót.

Héraðssýning kynbótahrossa fer fram á Sauðárkróki dagana 27. maí til 31. maí. Byggingadómar fara fram í Reiðhöllinni Svaðastöðum en hæfileikadómar á vellinum Fluguskeiði austan við reiðhöllina.

Kynbótasýning fer fram á félagssvæði Þyts á Hvammstanga dagana 21. til 24. maí. Skráning og greiðsla sýningargjalda fer fram í gegnum netið á síðunni www.worldfengur.com þar sem valið er „Skrá hross á kynbótasýningu“. Einnig er hægt að skrá hross til sýningar hér á heimasíðu RML í gegnum flýtihnapp á forsíðunni.