Fréttir

Tekið er við pöntunum á lambadomum hér í gegnum heimasíðuna. Aðeins þarf að smella á hnappinn - Panta sauðfjárdóma – hér til hægri á forsíðunni og þar er hægt að velja um að panta lambamælingu eða hrútasýningu. Þegar smellt er á þessar línur opnast umsóknareyðublað.

Við minnum á að umsóknarfrestur vegna jarðabóta rennur út þann 10. september nk. Þeir bændur sem telja sig eiga rétt á styrk vegna jarðabóta á jörðum sínum þurfa að hafa hraðann á til að tryggja að umsókn komist inn fyrir auglýstan umsóknarfrest.

Sumarið hefur verið misjafnt eftir landshlutum eins og oft áður og eins og bændur vita hefur veðurfar mikil áhrif á gróffóðrið, bæði magn og gæði. Það er því mjög mikilvægt að gefa sér tíma á haustin til að fara yfir hvers var aflað og hvernig það komi til með að nýtast yfir vetrartímann.

Nú eru komnar upplýsingar á vef nautaskráarinnar, www.nautaskra.net, um fjögur ný ungnaut úr 2014 árgangi nauta. Þessi naut munu koma til dreifingar á allra næstu dögum. Um er að ræða Ver 14009 frá Ytri-Skógum undir Eyjafjöllum undan Vindli 05028 og Gullbrá 518 Gyllisdóttur 03007, Skara 14011 frá Breiðavaði í Eiðaþinghá undan Baugi 05026 og Títlu 509 Hólsdóttur 07037, Prófíl 14018 frá Hvammi í Eyjafirði undan Víðkunni 06034 og Tvíböku 1155 Ófeigsdóttur 02016 og Kláus 14031 frá Villingadal í Eyjafirði undan Hjarða 06029 og Klaufu 248 Laskadóttur 00010.

Sveitasæla, landbúnaðarsýning og bændahátíð var haldin í Skagafirði um helgina. Á sýningunni sem var í Reiðhöllinni á Sauðárkróki í gær kynntu einstaklingar, félög og fyrirtæki starfsemi sína, vörur og þjónustu auk þess sem ýmis afþreying var í boði sem endaði á kvöldvöku.

Yfirlit síðsumarssýningar á Mið-Fossum fer fram á föstudaginn 21.ágúst og hefst kl. 9:00.

Yfirlit síðsumarssýningar á Sauðárkróki fer fram föstudaginn 21. ágúst og hefst kl. 9:00.

Yfirlit síðsumarssýningar á Selfossi fer fram föstudaginn 21. ágúst og hefst kl. 9:00. Dagskrá dagsins verður eftirfarandi:

Smávægilegar breytingar hafa átt sér stað og eru því knapar og eigendur hrossa hvattir til að skoða uppfærða hollaröðun.

Síðsumarsýning kynbótahrossa á Miðfossum fer fram dagana 19. - 21. ágúst. Dómar hefjast kl 12:30 miðvikudaginn 19. ágúst. Búið er að birta hollaröðun hér á vefnum undir Búfjárrækt > Hrossarækt > Röðun hrossa á kynbótasýningum. Eigendur og sýnendur eru beðnir að mæta tímanlega með hrossin til dóms þannig að dómstörf gangi sem greiðast fyrir sig og tímasetningar haldist sem best.