Fréttir

Kynbótasýning fer fram á Akureyri dagana 8.-12. júní, verði þátttaka næg. Skráning og greiðsla sýningargjalda fer fram í gegnum netið á síðunni www.worldfengur.com þar sem valið er „Skrá hross á kynbótasýningu“. Einnig er hægt að skrá hross til sýningar hér á heimasíðu RML í gegnum flýtihnapp á forsíðunni.

Kynbótasýning verður á Mið-Fossum í Borgarfirði dagana 3.-5. júní 2015. Dómar fara fram miðvikudaginn 3. júní og fimmtudaginn 4. júní og hefjast klukkan 08:00. Yfirlitssýning verður föstudaginn 5. júní. Alls eru 70 hross skráð til dóms.

Kynbótasýning verður haldin á Gaddstaðaflötum við Hellu vikurnar 2.-5. júní og 8.-12. júní 2015. Dómar hefjast kl. 12:30 þriðjudaginn 2. júní. Yfirlitssýning verður föstudaginn 5. júní. Alls eru 88 hross skráð til dóms á fyrri vikuna og 145 hross á seinni vikuna.

Yfirlitssýning kynbótasýningar fer fram á Kjóavöllum föstudaginn 29.maí og hefst kl. 13:00, áætluð lok um kl. 15. Hollaröð á sýningunni verður birt hér á heimasíðunni (rml.is) svo fljótt sem verða má eftir að dómum lýkur, fimmtudaginn 28.maí.

Fagráð í nautgriparækt fundaði í gær í kjölfar þess að keyrt var nýtt kynbótamat núna í maí. Ákveðið var að hefja dreifingu á sæði úr þrem nýjum reyndum nautum. Þau eru Gustur 09003 frá Hóli í Sæmundarhlíð sem kemur til notkunar sem nautsfaðir, Foss 09042 frá Fossi í Hrunamannahreppi og Gæi 09047 frá Svertingsstöðum 2 í Eyjafirði. Nú þegar hefur frjótæknum verið sent sæði úr þessum nautum.

Skráningarfrestur á kynbótasýningar í Víðidal, Gaddstaðaflötum og Miðfossum rann út síðastliðinn föstudag. Miðað við þær skráningar sem komnar voru inn þegar skráningafresti lauk er nú búið að manna sýningar og festa sýningardaga.

Eins og fram hefur komið liggur aflestur röntgenmynda af hækilliðum stóðhesta niðri vegna verkfalls dýralækna sem starfa hjá Matvælastofnun. Af þessum sökum hefur ekki verið hægt skrá þá stóðhesta á kynbótasýningar sem ekki voru komnir með staðfestingu á hækilmyndum í WorldFeng fyrir verkfall.

Dómar hefjast á Sauðárkróki miðvikudaginn 27. maí kl. 10 Sjá hollaröðun í fréttinni með því að smella á nánar.

Þann 1. júní nk. verður breyting á sölufyrirkomulagi plötumerkja í nautgripi og svín við pantanir í einstaklingsmerkingakerfinu MARK (www.bufe.is). Bændasamtök Íslands munu hætta umsýslu með sölu merkjanna og á sama tíma verður hætt að draga kaupverð á plötumerkjum í nautgripi af beingreiðslum til bænda. Kaup og sala á plötumerkjum verður frá og með 1. júní 2015 alfarið á milli merkjasala og bænda, eins og verið hefur við pöntun á t.d. plötumerkjum fyrir sauðfé. Merki verður eftir sem áður hægt að panta í gegnum MARK og þar verður engin breyting á fyrirkomulagi við pöntun. Eina breytingin er, eins og áður sagði, að frá og með 1. júní n.k. verður sendur reikningur með pöntuðum merkjum en kaupverðið ekki dregið af beingreiðslum.

Hollaröð á yfirlitssýningu kynbótasýningar á Sörlastöðum er komin hér á vefinn. Yfirlitssýningin hefst stundvíslega kl. 9:00 og áætluð lok eru um kl. 11:30-12:00.