Fréttir

Vegna mikillar þátttöku á kynbótasýningunni á Hólum í Hjaltadal hefur verið ákveðið að hafa tvö dómaragengi að störfum. Sýningin hefst því ekki á sunnudegi, eins og áður var auglýst, heldur hefjast dómar stundvíslega kl. 8:00 mánudaginn 6. júní.

Búið er að bæta við einum degi á sýninguna á Hólum í Hjaltadal og er hún opin fyrir skráningu. Hámarksfjöldi er 165 hross og mun lokast fyrir skráningu þegar þeirri tölu er náð. Sýningin mun byrja á sunnudeginum 5. júní og enda með yfirliti á föstudeginum 10.júní.

Yfirlitssýning kynbótahrossa á Hlíðarholtsvelli á Akureyri, föstudaginn 27.05. og hefst kl. 09:00 Hér má sjá hollaröðun:

Yfirlitssýning kynbótasýningar á Brávöllum fer fram föstudaginn 27. maí ef veðuraðstæður leyfa. Gangi mótdrægar veðurspár eftir að morgni þess 27. verður yfirlitssýningunni frestað til laugardagsins 28. maí. Tilkynning um þá mögulegu frestun verður birt hér á síðunni kl. 7:00 – ef af frestuninni verður.

Yfirlit kynbótasýningar á Stekkhólma á héraði, fer fram föstudaginn 27. maí og hefst kl. 9:00. Í meðfylgjandi tengli má sjá hollaniðurröðun hrossanna.

Kynbótasýning verður á Gaddstaðaflötum við Hellu dagana 30. maí til 10. júní. Dómar hefjast stundvíslega kl. 8:00 mánudaginn 30. maí. Yfirlitssýningar verða föstudagana 3. júní og 10. júní. Alls eru 240 hross skráð á sýninguna.

Kynbótasýning verður í Spretti í Kópavogi dagana 30. maí til 10. júní. Dómar hefjast stundvíslega kl. 8:00 mánudaginn 30. maí. Yfirlitssýningar verða föstudagana 3. júní og 10. júní. Alls eru 264 hross skráð á sýninguna.

Yfirlit kynbótasýningar á Brávöllum, Selfossi, fer fram föstudaginn 27. maí og hefst kl. 8:00. Röð flokka verður með hefðbundnu sniði, þ.e. byrjað á elstu hryssum og niður í þær yngstu, þá yngstu hestar og endað á elstu stóðhestum.

Kynbótasýning verður á Mið-Fossum í Borgarfirði dagana 1.-2. júní 2016. Dómar hefjast stundvíslega kl. 8:00 miðvikudaginn, 1. júní. Yfirlitssýning verður fimmtudaginn 2.júní frá kl. 9:00 til 12:00.

Kynbótasýning fer fram á Hólum í Hjaltadal dagana 6.-10. júní, verði þátttaka næg. Skráning og greiðsla sýningargjalda fer fram í gegnum netið á síðunni www.worldfengur.com þar sem valið er „Skrá hross á kynbótasýningu“. Einnig er hægt að skrá hross til sýningar hér á heimasíðu RML í gegnum flýtihnapp á forsíðunni.