Fréttir

Því miður náðist ekki lágmarksskráning kynbótahrossa á kynbótasýningu sem fyrirhuguð var á Akureyri dagana 30.júlí - 3. ágúst. Sýningunni hefur því verið aflýst.

Minnum á að boðið verður upp á þrjár kynbótasýningar vikuna 20. til 24. ágúst og er búið að opna á skráningar. Sýningar verða á Gaddstaðaflötum við Hellu, Hólum í Hjaltadal og í Borgarnesi ef næg þátttaka verður. Sýning verður ekki haldin nema lágmarks fjöldi skráninga náist sem eru 30 hross. Síðasti skráningar- og greiðsludagur er á miðnætti föstudaginn 10. ágúst.

Samkvæmt upplýsingum frá Efnagreiningu ehf á Hvanneyri þá mun fyrsta heymæling sumarsins verða um mánaðarmótin júlí/águst og þurfa að sýni að berast fyrir 26. júlí. Önnur heymæling verður 23. ágúst (sýni þurfa að berast 5 dögum áður)

Sýningin fer fram dagana 30. júlí til 2. ágúst; dæmt frá mánudegi til miðvikudags og yfirlitssýning á fimmtudegi 2. ágúst. Röðun knapa á dómadaga og í hópa/holl má nálgast í krækjum hér fyrir neðan. Alls eru 96 hross skráð til dóms á Selfossi.

Skráningarfrestur á miðsumarssýningu á Selfossi hefur verið framlengdur fram á miðnættis miðvikudagsins 18.júlí. Skráning og greiðsla fer fram í gegnum netið á síðunni www.rml.is eða www.worldfengur.com þar sem valið er „skrá hross á kynbótasýningu“. Allar frekari upplýsingar má fá í síma Ráðgjafamiðstöðvar landbúnaðarins 516-5000 eða á heimasíðunni www.rml.is, þar eru t.d. leiðbeiningar um hvernig eigi að skrá hross á sýningu. Einnig er hægt að senda fyrirspurnir á netfangið hross@rml.is.

Niðurstöður afurðaskýrslnanna í mjólkurframleiðslunni nú í júní hafa verið birtar á vef okkar. Þegar þær niðurstöður urðu til um hádegi þann 11. júlí, höfðu skýrslur borist frá 543 búum. Reiknuð meðalnyt 25.468,9 árskúa á þessum búum, var 6.343 kg á síðustu 12 mánuðum.

Við viljum vekja athygli bænda á því að það er eftirspurn eftir heyi, hugsanlega innanlands en örugglega erlendis frá. Tengiliður bænda í Suður-Noregi hefur haft samband við RML og óskar eftir öllu því heyi sem íslenskir bændur kunna að hafa til sölu. Þeir sem hafa áhuga á að kynna sér þetta eða taka þátt í þessu verkefni mega endilega hafa samband við Guðfinnu Hörpu Árnadóttur ráðunaut með tölvupósti á netfangið gha@rml.is eða í síma 516-5017.

Á síðustu mánuðum hafa birst ítrekað greinar eftir Jón Viðar Jónmundsson, fyrrverandi starfsmann RML og þar áður BÍ, þar sem vegið er að starfsfólki, félagskjörnum fulltrúum bænda og almennri starfsemi Bændasamtaka Íslands (BÍ) og Ráðgjafamiðstöðvar landbúnaðarins (RML). Steininn tók þó endanlega úr þegar persónulegar svívirðingar af hendi Jóns rötuðu inn í bókina Þistil sem er nýútkomin saga samnefnds sauðfjárræktarfélags í Þistilfirði. Í ofangreindri bók er að finna ómaklegar og ósannar staðhæfingar í garð nafngreindra starfsmanna RML auk annarra aðdróttana og rakalauss þvættings. Þær eru höfundi hennar til mikillar minnkunar en auk þess er það óskiljanlegt að ritstjóri og útgefandi standi að útgáfu með þessum hætti. Rit sem ætlað var að segja merka sögu stendur fyrir vikið eftir án trúverðugleika. Stjórnir BÍ og RML lýsa yfir fullum stuðningi við starfsfólk sitt í þessu erfiða máli. Fyrir liggur að það hefur reynt verulega á marga og valdið tjóni. Mál er nú að niðurrifsstarfi linni svo að starfsfólk beggja félaganna geti notað alla sína krafta í þágu uppbyggingar og þróunar íslensks landbúnaðar. Samþykkt af stjórn BÍ þann 28. júní 2018 Samþykkt af stjórn RML þann 2. júlí 2018