Fréttir

Yfirlitið fer fram föstudaginn 24. ágúst og hefst stundvíslega kl. 08.00 Hefðbundin röð flokka, byrjað á elstu hryssum og endað á elstu stóðhestum. Hollaröð verður birt svo fljótt sem auðið er í kvöld að loknum dómsstörfum.

Yfirlitssýning kynbótahrossa fer fram á Hólum, fimmtudaginn 23.08. Hér má sjá hollaröð á yfirliti

Framleiðnisjóður landbúnaðarins og Ráðgjafarmiðstöð landbúnaðarins standa í ágústmánuði fyrir fundaherferð með það markmið að hvetja til nýsköpunar í sveitum. Aðalfyrirlesari fundanna er Guðmundur Guðmundsson, landsliðsþjálfari í handbolta og mun hann flytja erindi sem ber nafnið "Leiðin til sigurs".

Yfirlitssýning í Borgarnesi fer fram miðvikudaginn 22.ágúst stundvíslega kl 8:00. Í dóm í dag, þriðjudag, mættu 34 hross og 31 hross í reið- eða fullnaðardóm. Skiptast þessi 31 hross í 15 holl á yfirliti og sjá má hollaröðun í skjali sem fylgir með hér í fréttinni.

Ráðgjafamiðstöð Landbúnaðarins og NLR (Norsk Landbruksrådgiving) sem er ráðunautaþjónusta í eigu norskra bænda, standa fyrir bændaferð til Noregs dagana 7.-11. nóvember næstkomandi. Farið verður í heimsóknir til bænda, hlustað á fyrirlestra frá NLR um norskan landbúnað og að lokum farið á landbúnaðarsýningu.

Niðurstöður afurðaskýrslnanna í mjólkurframleiðslunni nú í júlí hafa verið birtar á vef okkar. Þegar þær niðurstöður urðu til nokkru fyrir hádegi þann 17. ágúst, höfðu skýrslur borist frá 544 búum. Reiknuð meðalnyt 25.589,9 árskúa á þessum búum, var 6.343 kg á síðustu 12 mánuðum og reiknaðist hin sama og fyrir mánuði síðan.