Fréttir

Kynbótasýning fer fram á Mið-Fossum í Borgarfirði dagana 15. til 18. ágúst. Dómar hefjast kl. 13:00 á mánudaginn 15.ágúst og viljum við biðja sýnendur um að mæta tímanlega í sín holl, svo að tímasetningar haldist sem best.

Kynbótasýning verður á Gaddstaðaflötum við Hellu dagana 15. til 19. ágúst. Dómar hefjast stundvíslega kl. 8:00 mánudaginn 15. ágúst. Á mánudeginum verða tvær dómnefndir að störfum þannig að tímasetningar á hollum eru aðrar þann dag, holl 1 hefst að venju kl. 8 en holl 2 kl. 9:30. Endilega hafið þetta í huga þegar þið skoðið röðun hrossa á sýningunni. Mælingar hefjast 10 mínútum fyrir hvert holl þannig við biðjum knapa um að mæta tímanlega, þannig tímasetningar haldist sem best. Að gefnu tilefni eru knapar í morgunhollum sérstaklega beðnir um að mæta á réttum tíma.

Um síðustu helgi var RML með bás á handverks- og landbúnaðarsýningunni á Hrafnagili. Það var margt um manninn og þökkum við öllum þeim sem komu við hjá okkur í básinn. Við vorum þar með getraun þar sem skrifa átti niður litanöfn þriggja dýra sem voru á myndum í básnum. Myndirnar fylgja hérna með. Það sköpuðust fjörugar umræður og margir þátttakendur bentu réttilega á að einhver munur sé á skilgreiningum lita eftir landshlutum. Það er því þannig að fleiri en eitt svar getur verið rétt við hvern lit og ekkert endilega víst að þetta sé alveg tæmandi listi.

Nú eru komnar upplýsingar um fjögur naut úr 2015 árgangi nauta hér á vefinn. Þetta eru þeir Lúði 15017 frá Geirakoti í Flóa undan Hjarða 06029 og Salvöru 647 Skandalsdótur 03034, Golíat 15018 frá Keldudal í Hegranesi undan Laufási 08003 og Emmu 738 Boltadóttur 09021, Köngull 15019 frá Auðsholti í Hrunamannahr. undan Toppi 07046 og Furu 933 Bambadóttur 08049 og Jólnir 15022 frá Reykjahlíð á Skeiðum undan Bamba 08049 og Borgey 638 Sússadóttur 05037. Jólnir er fyrsti sonur Bamba 08049 sem kemur til dreifingar.

Þessa dagana berast til RML pantanir frá bændum um sauðfjárskoðun. Bændur eru eindregið hvattir til þess að panta tímanlega og æskilegt er að pantanir berist fyrir þann 20. ágúst.

RML á landbúnaðarsýningu á Hrafnagili

Yfirlit miðsumarssýningar á Selfossi fer fram á Brávöllum föstudaginn 29. júlí og hefst stundvíslega kl. 9:00. Röð flokka er hefðbundin, byrjað á elstu hryssum og endað á elstu stóðhestum. Ath. að hádegishlé (1 klst.) verður að afloknum 18 hollum.

Þann 22. júlí var opnað á skráningar á síðsumarssýningar. Sýningarnar verða þrjár að þessu sinni, á Gaddstaðaflötum, Mið-Fossum og Melgerðismelum. Skráning og greiðsla fer fram í gegnum netið á síðunni www.worldfengur.com þar sem valið er „skrá hross á kynbótasýningu“. Sjá nánar í frétt.

Eftirfarandi stöður eru lausar til umsókna hjá Ráðgjafarmiðstöð landbúnaðarins: Ráðgjafi í bútækni Ráðunautur í jarðrækt Ráðunautur í alhliða ráðgjöf til bænda

Miðsumarssýning kynbótahrossa fer fram á Brávöllum á Selfossi dagana 26. til 29. júlí; dómar þriðjudag til fimmtudags og yfirlit föstudaginn 29. júlí. Tíma knapa / hollaröð má nálgast í fréttinni.