Sauðfjárrækt fréttir

Skýrsluskil í geitfjárræktinni miðast við 12. desember. Þá eiga gögnin að vera komin í kerfið, þannig að þeir sem skila inn gögnum til skráningar skulu miða við að koma þeim ekki seinna en 4. desember til skráningar. Margir af þeim sem eru með aðgang að Heiðrúnu hafa þegar lokið skilum á gögnum fyrir framleiðsluárið 2017.

Í dag kom Hrútaskrá 2017-18 úr prentun og fer nú til dreifingar til sauðfjárbænda og áhugamanna um sauðfjárrækt um land allt svo fljótt sem verða má. Veðrið er því miður ekki hagstætt í augnablikinu og af þeim sökum gæti dreifing tafist eitthvað en skráin ætti að öllu jöfnu að verða til dreifingar á hrútafundum í næstu viku og vonandi þeim fundum sem haldnir verða á morgun og um helgina.

Kynningafundur Búnaðarsambands Skagfirðinga á hrútakosti sæðingastöðvanna sem vera átti í kvöld (23.nóv) verður frestað vegna veðurs. Í staðinn er boðað til fundar í Tjarnarbæ, Sauðárkróki, kl. 14:00 næstkomandi sunnudag (26. nóv).

Kynningafundur á hrútum sæðingastöðvanna sem áttu að vera á Breiðumýri, S-Þingeyjarsýslu og Svalbarði, Norður-Þingeyjarsýslu í dag, 21. Nóvember verður frestað vegna slæms veðurútlits. Fundunum verður frestað fram til þriðjudagsins 28. nóvember.

Búnaðarsamböndin standa fyrir kynningafundum á hrútaskránni um allt land. Á fundunum munu ráðunautar RML í sauðfjárrækt kynna hrútakost sæðingastöðvanna. Meðfylgjandi er yfirlit yfir fundina.

Hrútaskrá sauðfjársæðingastöðvanna fyrir 2017-2018 er komin á vefinn. Skráin er á hefðbundnu pdf-formi og hægt er nálgast hana undir "Kynbótastarf -> Sauðfjárrækt -> Hrútaskrá" eða með því að nota hlekkinn hér neðar. Við vonum að sauðfjárræktendur og aðrir áhugamenn um sauðfjárrækt njóti lesningarinnar þar til prentaða útgáfan kemur út í næstu viku.

Þeir sauðfjárræktendur sem lagt hafa upp með afkvæmaprófun á hrútum sínum eru hvattir til að ganga frá uppgjöri afkvæmarannsóknarinnar í Fjarvís.is sem fyrst og senda tilkynningu á ee@rml.is um að uppgjöri sé lokið. Tilkynningar þurfa helst að berast fyrir 1. des. Líkt og síðasta haust er veittur styrkur af fagfé sauðfjárræktarinnar á hvern veturgamlan hrút (hrútar fæddir 2016) sem prófaður er.

Upplýsingar um skoðun hrútlamba undan sæðingastöðvahrútum nú í haust liggja fyrir og finna má upplýsingarnar í töflu sem fylgir með. Ómtölur í skjalinu eru leiðréttar fyrir lífþunga og gögnin miðast við skráða dóma í Fjárvís 31.10.2017.

Síðastliðinn vetur fór Ráðgjafarmiðstöð landbúnaðarins af stað með átaksverkefni sem bar yfirskriftina „Auknar afurðir sauðfjár – tækifæri til betri reksturs“. Verkefnið var kynnt í nóvember og 44 sauðfjárbændur tóku þátt í því og voru flestir þátttakendur heimsóttir í mars-apríl.

Undanfarin ár hefur verið kynbótamat fyrir frjósemi verið unnið áður en útsending haustbóka fer fram. Ljóst er að slíkt mun ekki nást í ár. Um síðustu áramót tók gildi reglugerð um stuðning við sauðfjárrækt nr. 1151/2016 þar sem kveðið er á um tvo formlega skiladaga gagna í sauðfjárrækt. Annars vegar er það skiladagur vorgagna þann 20. ágúst ár hvert og skiladagur haustgagna þann 12. desember ár hvert. Undanfarin ár hefur RML gefið út sérstakan skiladag vegna vinnu við kynbótamat en slíkt var ekki gert í ár til að valda síður misskilningi enda er núna einn formlegur skiladagur vorgagna sem ekki var áður til í reglugerð.