Hrossarækt fréttir

Hollaröðin á yfirlitssýningunni á Sörlastöðum í Hafnarfirði á morgun fimmtudaginn 22. maí er nú komin á vefinn. Sýningin hefst kl. 9:00. Röðun flokka verður eftirfarandi: 7 vetra og hryssur og eldri frá kl. 9:00 til 11:30. Frá kl. 11:30 til 12:00 verða þrjú holl af 6 vetra hryssum sem síðan verður haldið áfram með eftir hádegishlé en það er áætlað á milli kl. 12:00 og 13:00.

Yfirlitssýningin á Sörlastöðum í Hafnarfirði hefst kl. 9:00 á morgun fimmtudaginn 22. maí. Röðun flokka verður eftirfarandi: 7 vetra og eldri hryssur frá kl. 9:00 til 11:30. Frá kl. 11:30 til 12:00 verða þrjú holl af 6 vetra hryssum sem síðan verður haldið áfram með eftir hádegishlé en það er áætlað á milli kl. 12:00 og 13:00.

Nú styttist óðum í síðustu tvær kynbótasýningarnar sem haldnar verða sunnan- og vestanlands fyrir landsmót. Kynbótasýningarnar fara fram dagana 2. til 13. júní bæði á Miðfossum í Borgarfirði og á Gaddstaðaflötum við Hellu. Síðasti skráningar- og greiðsludagur fyrir báðar þessar sýningar er næstkomandi sunnudagur 25. maí.

Kynbótasýning verður á Selfossi dagana 26.-28. maí næstkomandi. Dómar fara fram mánudaginn 26. og þriðjudaginn 27. maí en yfirlitssýning verður miðvikudaginn 28. maí. Alls eru 137 hross skráð til dóms. Búið er að birta hollaröðun á sýningunni hér á vefnum og má nálgast hana með því að smella á hnappinn „Röðun hrossa á kynbótasýningu“ hér hægra megin á forsíðunni. Þar má bæði sjá röðun eftir dögum og knöpum.

Yfirlitssýning kynbótahrossa fer fram á Sörlastöðum í Hafnarfirði fimmtudaginn 22. maí og hefst klukkan 09:00. Byrjað verður á 7 vetra hryssum. Nánari dagskrá verður birt síðar.

Kynbótasýningar fara fram á Selfossi og í Skagafirði dagana 26. – 30. maí. Einnig verður haldin kynbótasýning í Hornafirði dagana 26. - 27. maí ef næg þátttaka fæst. Síðasti skráningar- og greiðsludagur fyrir þessar þrjár sýningar er nk. sunnudagur, 18. maí. Skráning og greiðsla sýningargjalda fer fram í gegnum netið á síðunni www.worldfengur.comþar sem valið er „Skrá hross á kynbótasýningu“.

Kynbótasýning verður á Sörlastöðum í Hafnarfirði dagana 19.-22. maí 2014. Dómar fara fram dagana 19.-21., þ.e. mánudag til miðvikudags en yfirlitssýning verður fimmtudaginn 22. maí n.k. Alls eru 185 hross skráð til dóms.

Ekki náðist tilskilinn lágmarksfjöldi á fyrirhugaða sýningu á Blönduósi og fellur hún því niður. Nánari upplýsingar er hægt að fá í síma 516-5000. Vert er að benda þeim á sem hafa hugsað sér að sýna hross á Norðurlandi að eingöngu eru tvær sýningar eftir í þeim landshluta fyrir landsmót, sú fyrri verður í Skagafirði dagana 26.-30. maí og sú síðari á Melgerðismelum dagana 3.-6. júní.

Á dómarafundi FEIF nú í vor var ákveðið að gera breytingar á æskilegri stöðu afturfóta í uppstillingu fyrir sköpulagsdóm. Hér á heimasíðunni má finna lýsingu, sem unnin er af Þorvaldi Kristjánssyni kynbótadómara, þar sem farið er yfir hvernig stilla skal hrossi upp í sköpulagsdómi og hvetjum við sýnendur til að kynna sér það vel. Við bendum jafnframt á að á heimasíðu RML má finna ítarlegar upplýsingar um allt sem snýr að kynbótasýningum.

Kynbótasýningar fara fram á Sörlastöðum í Hafnarfirði og á Blönduósi dagana 19. til 23. maí. Skráning og greiðsla sýningargjalda fer fram í gegnum netið á síðunni www.worldfengur.com þar sem valið er „Skrá hross á kynbótasýningu“. Einnig er hægt að skrá hross til sýningar hér á heimasíðu RML í gegnum flýtihnapp á forsíðunni.