Hrossarækt fréttir

Röðun hrossa á kynbótasýningunum á Hólum í Hjaltadal og Rangárbökkum við Hellu vikuna 21. til 24. ágúst hefur verið birt hér á heimasíðunni. Dómar hefjast stundvíslega mánudaginn 21. ágúst kl. 8:00. Alls eru 91 hross skráð á sýninguna á Hólum og 74 á Rangárbökkum. Báðum sýningunum lýkur með yfirlitssýningu fimmtudaginn 24. ágúst. Við viljum biðja sýnendur að mæta tímanlega svo hægt verði að halda tímasetningar sem best.

Minnum á að síðasti skráningardagur á síðsumarssýningar er á miðnætti mánudagsins 7. júlí. Skráning og greiðsla fer fram hér á heimasíðu RML. Sýning verður ekki haldin nema lágmarksfjöldi skráninga náist sem eru 30 hross. Í töflunni hér að neðan má sjá á hvaða sýningar eru í boði.

Hér að neðan má sjá hollaröðun á yfirlitssýningu kynbótahrossa sem fer fram á Hellu miðvikudaginn 2. ágúst. Sýningin hefst stundvíslega kl. 8:00 eins og venja er á 7 vetra hryssum og endar á yngstu stóðhestum. Áætlað er að yfirlitinu sé lokið um 12:30.

Vegna mjög mikillar eftirspurnar að koma hrossum til dóms miðsumars á Suðurlandi hefur verið ákveðið að bæta við tveimur sýningardögum 31. júlí og 1. ágúst (Rangárbakkar við Hellu, vika 3) auk yfirlitssýningar 2.ágúst. Þeir sem hafa óskað eftir að koma hrossum að eru því hvattir til að skrá hross sín sem fyrst en opið er fyrir skráningu til miðnættis laugardaginn 15 júlí. Skráning og greiðsla fer fram hér á heimasíðu RML.

Í júlí er mikið af starfsfólki RML í sumarfríi og því stopul viðvera á starfsstöðvum. Síminn 516-5000 verður þó alltaf opinn hjá okkur sem hér segir: Mánudaga - fimmtudaga milli kl. 9-12 og 13-16. Lokað er í hádeginu milli kl. 12-13 Föstudaga kl. 9-12 en lokað er á föstudögum frá kl. 12.00 Senda má gögn og fyrirspurnir á eftirfarandi netföng:

Opnað verður á skráningar á síðsumarssýningar 10. júlí. Skráning og greiðsla fer fram eins og síðustu ár í gegnum heimasíðu RML en á forsíðunni er flýtihnappur sem skráð er í gegnum. Á forsíðu WorldFengs er einnig hægt að skrá hross til sýningar. Nánari leiðbeiningar varðandi skráningar er einnig að finna hér á vefnum.

Hollaröðun fyrir yfirlitssýningu á Fjórðungsmóti Austurlands sem haldin verður þann 7. júlí er tilbúin. Dómar hefjast stundvíslega kl 10:00 í Stekkhólma og byrjað verður á elstu hryssum eins og venja er og endað á elstu stóðhestum. 

Minnum á að síðasti skráningardagur á miðsumarssýningar er á miðnætti föstudagsins 7. júlí. Skráning og greiðsla fer fram hér á heimasíðu RML. Sýning verður ekki haldin nema lágmarksfjöldi skráninga náist sem eru 30 hross. Í töflunni hér að neðan má sjá á hvaða sýningum eru laus pláss.

Síðasti skráningardagur á kynbótasýninguna sem verður í tengslum við Fjórðungsmótið á Stekkhólma er á miðnætti sunnudaginn 25. júní. Skráning og greiðsla fer fram hér á heimasíðu RML. Reiknað er með að dæmt verið dagana 5. og 6. júlí og yfirlitssýning verði föstudaginn 7. júlí.

Yfirlit síðustu viku vorsýninga á Rangárbökkum fer fram föstudaginn 23. júní og hefst stundvíslega kl. 09:00. Röð hrossa má nálgast í gegnum tengil hér neðar. Áætluð lok sýningar um kl. 14:50-15:05. (Ath. reiknað er með að hvert holl taki um 13,5mín. í keyrslu).