Karfan er tóm.
- Ráðgjöf
- Kynbótastarf
- Forrit og skýrsluhald
- Fjárvís.is
- Huppa.is
- Worldfengur.com
- Jörð.is
- dkBúbót
- Heiðrún.is
- Aðstoð
- Innheimta, verðskrá og reglur
- Um okkur
Ráðgjafarmiðstöð landbúnaðarins
Karfan þín
Flýtileiðir
Fréttir
-
Niðurstöður skýrsluhalds nautgriparæktarinnar fyrir aprílmánuð
12.05.2025Niðurstöður skýrslna nautgriparæktarinnar síðustu 12 mánuði, við lok apríl, hafa verið birtar á vef okkar. Niðurstöðurnar byggja á þeim skýrslum sem hafði verið skilað þegar nokkuð var liðið á dag þann 12. maí. Hér á eftir er farið yfir nokkur atriði úr niðurstöðunum en rétt er að benda á að mun meiri upplýsingar er að finna í töflum þeim sem tengill er í neðst í fréttinni. Þegar niðurstöðurnar voru reiknaðar hafði verið skilað mjólkurskýrslum frá 441 búi en uppgjör kjötframleiðslunnar nær nú til 115 búa þar sem framleitt var nautakjöt en ekki stunduð framleiðsla mjólkur til sölu. Reiknuð meðalnyt 24.487,5 árskúa á búunum 441 var 6.546 kg. eða 6.804 kg. OLM (af orkuleiðréttri mjólk) á uppgjörstímabilinu. Meðalfjöldi árskúa á fyrrnefndum 441 búi var 55,5. -
Tafir á afgreiðslu pantana á sýnatökuhylkjum
12.05.2025Það er greinilegt að bændur ætla ekki að slá slöku við í ræktun gegn riðu þetta árið. Vegna mikils fjölda pantana í síðustu viku þá kláraðist hylkjalagerinn okkar, sem staðsettur er á Sauðárkróki. Ný sending barst til okkar á föstudaginn. Einhverjar tafir urðu á afgreiðslu pantana vegna þessa, en núna hefur öllum pöntunum verið pakkað og þær komnar í póst. Bændur sem pöntuðu sýnatökuhylki í síðustu viku ættu því að fá þau í hendurnar með næstu póstsendingu. -
Fjórðungsmót og Heimsmeistaramót íslenska hestsins 2025
07.05.2025Fjórðungsmót verður haldið á Vesturlandi í ár, nánar tiltekið í Borgarnesi, dagana 3. – 6. júlí. Hross sem eru í eigu aðila á Vesturlandi, Kjós, Vestfjörðum, Húnavatnssýslum, Skagafirði eða Eyjafirði eiga þáttökurétt á mótinu og er miðað við að lágmarki 25% eignarhlut. Það er því mikilvægt að eigendur kynbótahrossa fari yfir upplýsingar um heimilisfang sitt í heimaréttinni í WorldFeng en það er hægt að lagfæra þær upplýsingar í flipanum Um mig í heimaréttinni ef þær eru ekki réttar. Þetta þarf að gera áður en sýningar byrja í vor. -
Þokugensgreiningar og forskráning
06.05.2025Athugið að mjög mikilvægt að forskrá sýnanúmer í Fjárvís vegna þokugensgreinina. Til að hægt sé að lesa inn niðurstöður á gripina þarf bóndi að forskrá sýnanúmerið undir skráningarflipanum „“forskráning á öðrum arfgerðargreiningum“. -
Skráningar á kynbótasýningar vorsins
30.04.2025Opnað verður á skráningar á kynbótasýningar mánudaginn 5. maí, kl. 9:00. Skráning og greiðsla fer fram eins og síðustu ár í gegnum heimasíðu RML en á forsíðunni er flýtihnappur sem skráð er í gegnum. Á forsíðu WorldFengs er einnig hægt að skrá hross til sýningar. Í meðfylgjandi töflu má sjá hvaða sýningarstaðir eru í boði og lokaskráningardag á hverja sýningu en skráningu þarf að vera lokið á miðnætti þess dags. Ef sýning fyllist lokast sjálfkrafa á sýninguna þó svo skráningarfrestur sé ekki útrunninn. Eigandi/umsjónamaður hrossins verður þá að velja aðra sýningu. -
Skjáborð og skýrslur bónda í Huppu
30.04.2025Nú hefur verið opnað á tvo nýja hluta í Huppu fyrir þá notendur sem greiða fyrir fullan aðgang að kerfinu. Þetta eru annars vegar Skýrslur bónda sem sjást nú sem nýr valmöguleiki undir Skýrslur og hins vegar Skjáborð sem er nú í valmyndinni fyrir neðan Skýrslur. Báðir þessir hlutar eru hugsaðir þannig að hver bóndi getur sett saman sína útgáfu eftir hentugleikum til að fá betri yfirsýn yfir sitt bú. -
Mikilvægt að tilkynna bógkreppu eða aðra hugsanlega erfðagalla
28.04.2025Ef lömb fæðast sem bera hugsanlega einkenni bógkreppu er áfram mikill akkur í því að fá úr þeim DNA sýni. Enn er í þróun erfðapróf fyrir bógkreppu og mikilvægur liður í að bæta það próf er að fá sýni úr lömbum sem örugglega bera þennan erfðagalla. Hvað á að gera ef fæðist vanskapað lamb og grunur er um að það sé vegna bógkreppu? Yfirleitt drepast þessi lömb í burði. Engu að síður er best að gefa þeim lambanúmer og taka úr þeim DNA sýni. Nota má sömu hylki og notuð eru vegna riðuarfgerðargreininga. DNA sýnið er skráð undir „aðrar arfgerðargreiningar“ og Matís skráð sem greiningaraðili. -
Breytingar á verðskrá RML
22.04.2025Í dag þann 22. apríl tekur gildi ný verðskrá fyrir þjónustu RML. Á stjórnarfundi RML þann 11. apríl síðastliðinn, voru samþykktar breytingar á verðskrá RML. Verðskráin er tvíþætt í þeim skilningi að ákveðnum hluta verðskrár getur stjórn breytt en annar hluti er háður samþykki atvinnuvegaráðuneytisins. -
Um verðlaunahafa og vel heppnaðan fagfund á Húsavík
14.04.2025Vel var mætt á fagfund sauðfjárræktarinnar og á árshátíð sauðfjárbænda sem fram fór laugardaginn 12. apríl á Fosshóteli Húsavík. Báðir viðburðirnir heppnuðust afar vel og eiga heimamenn sérstakt hrós skilið fyrir góðar móttökur og þeirra þátt í undirbúningi. Að vanda voru flutt fjölbreytt erindi á fagfundinum sem fagráð í sauðfjárrækt stóð fyrir og neðst í þessari frétt er hlekkur á upptöku af fundinum. -
Sáðvörulisti 2025
14.04.2025Nú er kominn sá tími að huga þarf að sáðvörukaupum fyrir vorið. Ráðunautar RML hafa tekið saman framboð fræsala af sáðvöru líkt og undanfarin ár. Ýmis ný og gömul yrki er í boði en við áréttum mikilvægi þess að kynna sér vel hugsanlegan mun á yrkjum einstakra tegunda enda getur verið mikill munur á frammistöðu þeirra þó þau tilheyri sömu tegundinni. -
Niðurstöður skýrsluhalds nautgriparæktarinnar fyrir nýliðinn marsmánuð
11.04.2025Niðurstöður skýrslna nautgriparæktarinnar fyrir síðustu 12 mánuði, við endaðan mars, að liðnu jafndægri á vori, hafa verið birtar á vef okkar. Niðurstöðurnar byggja á þeim skýrslum sem hafði verið skilað þegar komið var fram um hádegi þann 11. apríl. Hér á eftir er farið yfir nokkur atriði úr niðurstöðunum en rétt er að benda á að mun meiri upplýsingar er að finna í töflum þeim sem tengill er í neðst í fréttinni. -
Skýrsla um afkomu sauðfjárbúa 2021-2023
11.04.2025Út er komin skýrsla frá RML um rekstur og afkomuþróun sauðfjárbúa fyrir árin 2021-2023. Sú skýrsla er unnin út frá rekstrargögnum samtals 198 sauðfjárbúa af landinu öllu. Innlagt dilkakjöt þátttökubúanna var 28,7% af heildarframleiðslu dilkakjöts árið 2023. Það hlutfall, ásamt samanburði á gögnum frá fyrra ári, bendir til að gögnin gefi góða mynd af stöðu og þróun í greininni. Árið 2023 reiknast rekstrarniðurstaða þátttökubúa nokkurn veginn á núlli sem er í fyrsta skipti á verkefnistímanum sem spannar 6 ár.
Skráning á póstlista
Þjónustuborð, umsóknir & eyðublöð
