Hrossarækt fréttir

Hérna verður farið yfir atriði sem snúa að kynbótahrossum á Landsmóti 2018 og einnig nýjum áhersluatriðum í dómum í ár sem gott er að minna á. Hvað varðar kynbótahross á Landsmóti 2018 eru nokkur atriði sem þarf að koma á framfæri. Ákveðinn fjöldi efstu hrossa vinnur sér þátttökurétt á mótinu og miðað er við að hafa 170 kynbótahross á mótinu.

Kynbótasýning fer fram á Stekkhólma dagana 28. til 29. maí og á Akureyri dagana 30. maí til 1. júní, verði þátttaka næg. Skráning og greiðsla sýningargjalda fer fram í gegnum netið á síðunni www.worldfengur.com þar sem valið er „Skrá hross á kynbótasýningu“. Einnig er hægt að skrá hross til sýningar hér á heimasíðu RML í gegnum flýtihnapp á forsíðunni. Rétt er að árétta að einungis er hægt að greiða með debet- eða kreditkortum, ekki er lengur hægt að greiða með millifærslu.

Kynbótasýning verður í Spretti í Kópavogi dagana 22.-25. maí. Dómar hefjast stundvíslega kl. 8:00 þriðjudaginn 22. júní. Yfirlitssýning verður föstudaginn 25. maí. Alls eru 99 hross skráð á sýninguna. Búið er að birta hollaröðun hér á vefnum og má nálgast hana með því að smella á tengilinn hér neðar eða í gegnum hnappinn "Röð hrossa á kynbótasýningum" hér á heimasíðunni.

Þrátt fyrir að bætt hafi verið tæpum 80 plássum við seinni vorsýninguna á Hellu í morgun er ljóst að enn er töluverð eftirspurn eftir plássum þar. Því hefur verið ákveðið að bæta við 70 plássum í viðbót.

Vegna mikillar eftirspurnar eftir tímum á Gaddstaðaflötum við Hellu hefur verið ákveðið að tvö dómaragengi verði að störfum þar vikuna 11. til 15. júní. Sjá nánar í frétt.

Í síðustu viku var bætt við leitarmöguleika bæði í Ítarlegri leit og Dómaleit í WorldFeng þar sem notendur geta nú leitað eftir hrossum með upplýsingar um DMRT3 arfgerð til viðbótar við aðra leitarmöguleika sem stóðu til boða áður. Bæði er hægt að leita eftir hrossum með arfgerðargreiningu í DMRT3 erfðavísinum (hvort þau séu með AA, CA eða CC arfgerð) og einnig hrossum sem eru með útreikning á líkum á þessum arfgerðum.

Þann 12. apríl var opnað á skráningar á allar kynbótasýningar vorsins. Skráning og greiðsla fer fram í gegnum netið á síðunni www.worldfengur.com þar sem valið er „skrá hross á kynbótasýningu“.

Atvinnuvega og Nýsköpunarráðuneytið hefur með bréfi frá 10. apríl síðastliðnum samþykkt endurskoðaða verðskrá fyrir dóma á kynbótahrossum. Sýningargjöld verða fyrir fullan dóm 24.600 kr/mvsk og að auki er innheimt worldfengs gjald og er því heildarverð 26.000 kr. Fyrir sköpulags/reiðdóm er verðið 20.500kr/m.vsk en heildarverð með worldfeng gjaldi 21.500kr. Verðskráin tekur þegar gildi.

Fagráð í hrossarækt boðar til funda um þróun og endurskoðun ræktunarmarkmiðsins og dómskalans í kynbótadómum. Hugmyndin er að kynna vinnu sem er í gangi þessa dagana við þetta verkefni og virkja fundarfólk til umræðu um málefnið. Sveinn Steinarsson formaður fagráðs og Þorvaldur Kristjánsson ábyrgðarmaður hrossaræktar kynna stöðuna og þær hugmyndir sem eru í farvatninu.

Pétur Halldórsson verður við DNA-sýnatökur og örmerkingar á hesthúsahverfum á höfuðborgarsvæðinu fimmtudaginn 22. febrúar. Áhugasömum um þessa þjónustu er bent á að setja sig í samband við Pétur: petur@rml.is / S: 862-9322.