Fyrstu niðurstöður skýrsluhaldsins í mjólkurframleiðslunni 2018

Styrkur frá Hnjúki í Vatnsdal, undan Úlla 10089 og Stiklu 421.

Fyrstu niðurstöður skýrsluhalds mjólkurframleiðslunnar í nautgriparæktinni birtast í dag, en með þeim fyrirvara að enn hafa ekki allar skýrslur borist og tími til yfirferðar og leiðréttinga ef þörf krefur er ekki liðinn. Því er rétt að skoða þær niðurstöður sem hér birtast með það í huga.

Mestar meðalafurðir árið 2018 voru á búi Karls Inga og Erlu Hrannar á Hóli í Svarfaðardal, þar sem hver árskýr mjólkaði að meðaltali 8.902 kg. Næsta bú í röðinni var bú Brúsa ehf. á Brúsastöðum í Vatnsdal með 8.461 kg. að jafnaði eftir reiknaða árskú en þessi tvö bú hafa verið efst á þessum lista undanfarið. Þriðja búið núna er heldur ekki nýgræðingur á listanum, bú Guðlaugar og Eybergs á Hraunhálsi í Helgafellssveit, þar sem meðalafurðirnar reyndust 8.452 kg. eftir hverja árskú.

Listi yfir þau 10 bú sem efst standa skv. þeim upplýsingum sem liggja fyrir.

Bú - árslok 2018           Skýrsluhaldarar                árskýr     meðalnyt - kg/árskú
650231 Hóll                  Karl Ingi og Erla Hrönn    49,0           8.902
560112 Brúsastaðir    Brúsi ehf                             52,1           8.461
370179 Hraunháls      Guðlaug og Eyberg           26,6           8.452
350513 Hvanneyri       Hvanneyrarbúið ehf.        72,2           8.289
660220 Syðri-Grund    Félagsbúið                        50,4           8.237
870909 Skáldabúðir   Gunnbjörn ehf                   60,4           8.223
860315 Hólmur           Garðar Guðmundsson     62,0          8.192
460128 Hvammur       Ólöf og Valgeir                 46,1           8.187
870840 Reykjahlíð      Búkostir ehf.                     73,2           8.166
650926 Moldhaugar   Þröstur Þorsteinsson      64,1           8.144

Hér fylgir listi yfir þær 10 kýr sem skiluðu mestu mjólkurmagni árið 2018 skv. þeim gögnum sem fyrir liggja:

Nythæsta kýrin árið 2018 var Randafluga 1035 í Birtingaholti IV í Hrunamannahreppi, sem mjólkaði 13.947 kg. á síðasta ári. Önnur í röðinni var kýr nr. 1038 í Hólmi í Austur-Landeyjum sem skilaði 13.736 kg. og hin þriðja var kýr nr. 848 í Flatey á Mýrum við Hornafjörð, en hún mjólkaði 13.678 kg. á nýliðnu ári.

                                                                                     
Kýr                                                Faðir                             Kg. mjólk      Prótein %      Fita %                         Bú
1035 Randafluga        0620 Boli u. Kastala 07003      13.947            3,13             4,17           871065 Birtingaholt 4
1038                             05028 Vindill                               13.736            3,24             4,53           860315 Hólmur
848                               11021 Otur                                  13.678            3,16             3,69           770190 Flatey
482                               06022 Kambur                            13.521            3,41             3,94           660220 Syðri-Grund
1945 Drottning           1780 u. Kola 06003                    13.481            3,46             4,13           871078 Birtingaholt 1
756 Krissa                  06010 Baldi                                  13.142            3,26             3,97           560112 Brúsastaðir
2113                            06019 Logi                                   13.018            3,53             4,25           651014 Hranastaðir
643 Rúna                   12004 Tárus                                  12.897            3,22             4,03           650231 Hóll
278 Lóa                      04041 Stíll                                     12.895            3,40             3,79           550178 Bakki
765                             02003 Lykill                                   12.707            3,59             3,78           651005 Espihóll

sk