Á garðabandinu - Fjarfundir fyrir sauðfjárbændur

Í ljósi aðstæðna hefur RML ákveðið að prófa fjarfundi fyrir sauðfjárbændur í samstarfi við Landsamband sauðfjárbænda og verður fyrsti fundurinn haldinn þriðjudaginn 21. apríl kl. 13:00. Notað verður fjarfundakerfið Microsoft Teams og ganga fundirnir undir heitinu Á garðabandinu en þar vísað til þess að oft eiga sér stað skemmtilegar umræður þegar fólk tyllir sér á garðabandið. Um er að ræða stutta fundi þar sem haldin verður 10-15 mínútna framsaga og fylgt eftir með 10-15 mínútna umræðum. Þetta er tilraun og verður framhaldið til skoðunar með hliðsjón af hvernig tekst til.

Árni B Bragason mun ríða á vaðið en hans erindi ber titilinn Út í vorið. Fundurinn verður haldinn þriðjudaginn 21. apríl kl. 13.00.

Til þess að tengjast fundinum er hægt að smella á hlekkinn hér að neðan.

Athugið að til þess að geta tekið þátt er ekki nauðsynlegt að vera með Microsoft Teams uppsett í tölvunni.

Þriðjudaginn 28. apríl kl. 13.00 fáum við fyrirlesara úr röðum LS þá ætlar Unnsteinn Snorri að segja okkur allt um skipulag á sauðburði.

Þriðjudaginn 5. maí kl. 13.00 verður Sigtryggur Veigar Herbertsson með erindi um tengslamyndun áa og lamba.

Sjá nánar: 
Út í vorið - tengjast fundi 

svh/okg