Rannsókn á erfðaorsökum kálfadauða er enn í gangi

Sú rannsókn þar sem verið er að kanna hvort gen eða einhverjir erfðaþættir valdi kálfadauða í íslenska kúastofninum er enn í gangi. Mikilvægur liður í rannsókninni er að fá sýni úr kálfum sem sannanlega fæðast dauðir. Nokkur fjöldi sýna hefur náðst á undanförnum misserum en þörf er á fleiri og því er óskað eftir aðstoð bænda.

Við biðlum því til ykkar með að taka sýni úr þeim kálfum sem fæðast dauðir og eru undan sæðinganautum. Sýnið er tekið þannig að klipptur er bútur af öðru eyra kálfsins og settur í poka sem merkja þarf með burðardegi og númeri móður. Sýnið er síðan geymt í frysti.

Látið undirritaðan vita af sýnum og við finnum svo sameiginlega lausn á því hvernig við nálgumst sýnin.

Guðmundur Jóhannesson, mundi@rml.is