Jarðræktarskýrsluhald 2022 – Síðasti rafræni skiladagur er 3. október

Umsóknarfrestur rennur út á miðnætti mánudaginn 3. október. Eins og áður er hægt að fá aðstoð við skýrsluskil hjá RML. Síminn verður opinn hjá okkur 9-12 og 13-16 mánudaginn 3. október og viðvera á flestum skrifstofum.

Þegar búið er að skrá ræktun, uppskeru og áburðargjafir þessa árs er farið í „Skýrslur“ í Jörð og þar valið „Skrá skýrslu“. Ef upp koma athugasemdir þarf að skoða hvort að gleymst hefur að skrá eitthvað. Ef upp koma rauðar athugasemdir verður að lagfæra þær áður en hægt er að skila skýrslu í Jörð. Þegar örugglega er búið að skrá allt er farið neðst á síðuna og þar verður að velja „Skila skýrslu“. Ef ekki er búið að ná allri uppskeru af seinni slætti eða korni, þegar skýrslu er skilað er hægt að uppfæra upplýsingar varðandi það með því að skila skýrslu aftur í Jörð þó það sé eftir umsóknarfrest.

Þegar búið er að skila skýrslu í Jörð verður að skrá sig inn á Afurð, greiðslukerfi landbúnaðarins, og sækja um jarðræktarstyrki og landgreiðslur á grunni skýrslunnar sem skilað hefur verið í Jörð. Skýrsla í Jörð er ekki umsókn um jarðræktarstyrki eða landgreiðslur.

Inn í Afurð þarf fyrst að staðfesta að upplýsingar um styrkþega séu réttar, svo sem bankaupplýsingar, ÍSAT-númer o.fl. Síðan koma upp þær skráningar sem koma úr skýrslunni í Jörð. Fara þarf neðst á þá síðu og haka við 2 reiti ásamt því að ýta á „Senda inn umsókn“ til þess að skila inn umsókn, sjá skýringarmynd.

/okg