Yfirlitssýning á Gaddstaðaflötum 6. og 7. júní

06.06.2014
Yfirlitssýning á Gaddstaðaflötum 6. og 7. júní

Fyrri yfirlitssýning fer fram á Gaddstaðaflötum við Hellu föstudaginn 6. og laugardagin 7. júní. Sýningin hefst kl. 8.00 báða dagana og eru áætluð sýningarlok um kl. 19 á föstudag og kl. 12 á laugardag. Föstudagurinn verður helgaður hryssunum og verður byrjað með sýningu hryssna 7 vetra og eldri ásamt geldingum. Á laugardegi verða síðan stóðhestarnir teknir til kostanna. Sýningarröð flokka verður sem hér segir:

Föstudagur 6. júní - sýning hefst kl. 8:00
  • Hryssur, 7 vetra og eldri og geldingar
  • Hryssur, 6 vetra
  • Hádegishlé um kl. 12 (að loknum 10 sýnigarhópum 6 v. hryssna)
  • Hryssur, 6 vetra frh.
  • Hryssur, 5 vetra
  • Hryssur, 4 vetra
Laugardagur 7. júní - sýning hefst kl. 8.00
  • Stóðhestar, 4 vetra
  • Stóðhestar, 5 vetra
  • Stóðhestar, 6 vetra
  • Stóðhestar, 7 vetra og eldri
Hollaröðun hefur verið birt og má finna hlekk á hana hér neðar. Reikna má með að hvert holl taki um 10 mínútur í sýningu.
 
Við biðjum umráðamenn og sýnendur að mæta tímanlega með hrossin til sýningar þannig að hún gangi sem allra best fyrir sig. Við viljum jafnframt benda mönnum á að láta sýningarstjóra vita sem allra fyrst forfallist hross eða mæti ekki til sýningar. 
 
Við óskum svo öllum sem að sýningunni koma góðs gengis.
 
Sjá nánar:
 
hes/gj
Til baka