Vægi fitu og próteins í verði mjólkur til bænda jafnt frá 1. jan. 2014

Stjórn Samtaka afurðastöðva í mjólkuriðnaði ákvað á fundi sínum í desember s.l. að leita staðfestingar verðlagsnefndar búvöru á því að breyta vægi efnaþátta í lágmarksverði meðalmjólkur á þann hátt að það yrði jafnt í stað 25% á fitu og 75% á próteini áður. Verðlagsnefnd hefur nú staðfest þessa breytingu og frá og með 1. janúar 2014 er því vægi fitu og próteins í mjólk jafnt við verðlagningu mjólkur til bænda. Jafnframt varð sú breyting um áramótin að efnainnihald meðalmjólkur hækkaði í 4,12% fitu og 3,33% prótein. Þetta þýðir að verð á fitueiningu er nú 10,0632 kr. og á próteineiningu 12,4505 kr. Afurðastöðvaverð meðalmjólkur, þ.e. mjólkur með 4,12% fitu og 3,33% próteini, er 82,92 kr. á lítra en það verð hækkaði síðast 1. september s.l.

/gj