Rafrænir reikningar

Nú á haustmánuðum munum við taka upp rafrænar sendingar á reikningum. Þetta verður gert til reynslu með reikninga fyrir lambadóma.

Reikningarnir munu birtast í heimabanka viðskiptavinar en einnig undir rafrænum skjölum í heimabanka viðkomandi. Þá munum við einnig senda afrit í tölvupósti.

Með því að senda reikningana rafrænt spörum við umtalsverðar fjárhæðir í póstsendingu auk þess sem það er mun umhverfisvænna.
Verði reynslan af þessu góð þá stefnum við að því að senda sem flesta reikninga með þessum hætti frá og með 1. janúar 2016.
Rafrænir reikninga birtast viðskiptavini með þrennum hætti:
• Sem rafrænt skjal í heimabanka.
• Krafa birtist í heimabanka.
• Tölvupóstur með viðhengi berst viðkomandi sem er með tölvupóst.
• Hafi viðskiptavinur ekki skráð netfang hjá okkur þá munum við senda reikninginn í bréfpóst fyrst um sinn.

Ef bændur óska eftir að fá senda reikninga heim í bréfpósti, þá er sjálfsagt að verða við því.
Vinsamlega látið þá vita á netfang heh@rml.is eða látið vita á skiptiborð RML í síma 5165025.

hh/vs