Niðurstöður heyefnagreininga og jarðvegsefnagreininga á Jörð.is

Niðurstöður heyefnagreininga frá BLGG sem er samstarfsaðili RML í Hollandi og niðurstöður jarðvegsefnagreininga frá LbhÍ eru núna aðgengilegar á Jörð.is. Mikilvægt er að nýta allar efnagreininganiðurstöður eins vel og mikið og mögulegt er og nýta þannig sem best það sem til hefur verið kostað. Niðurstöður heyefnagreininga segja til um hversu mikið af steinefnum grasið tók upp en jarðvegsefnagreiningar segja til um forða steinefna í jarðveginum. Æskilegt er að taka tillit til þessara upplýsinga í vali á áburðartegundum og -magni. Sem fyrr eru ráðunautar RML reiðubúnir að aðstoða bændur við áburðaráætlanir.