Móttaka pantana á sauðfjárdómum í fullum gangi

Þegar hafa borist á þriðja hundrað pantanir vegna lambaskoðunar og hrútasýninga. Bændur eru hvattir til að panta sem fyrst því það eykur líkurnar á að menn fái óskir sínar uppfylltar.

Lambaskoðun má panta með því að smella á flipa hægra megin hér á forsíðu heimasíðunnar „panta sauðfjárdóma 2013“. Þar undir er einnig að finna upplýsingar um ýmis atriði, s.s. gjaldskrá, skráningu dóma, afkvæmarannsóknir, DNA-sýnatökur og fleira. Þessi atriði voru einnig kynnt í Bændablaðinu fimmtudaginn 22. ágúst.

Utan um skipulagningu á Suðurlandi heldur Fanney Ólöf Lárusdóttir, frá Vesturlandi til Eyjafjarðar verður niðurröðun í höndum Helgu Halldórsdóttur og fyrir Þingeyjarsýslur og Austurland er það Guðfinna Árnadóttir sem vinnur úr pöntunum. Þorvaldur Þórðarson mun áfram sjá um norðanverða Vestfirði líkt og verið hefur.

ee/okg