Kynbótamat í sauðfjárrækt

Nýtt kynbótamat fyrir kjötgæði (gerð og fitu sláturlamba) hefur verið reiknað og er aðgengilegt inni í skýrsluhaldskerfinu www.fjarvis.is. Líkt og undanfarin ár hefur listi yfir efstu hrúta verið tekinn saman og er hann aðgengilegur hér á heimasíðunni.

Líkt og áður hefur komið fram á að reikna kynbótamat fyrir frjósemi upp á nýtt í byrjun ágúst (með aukakeyrslu) og verða þá tekin með gögn sem búið verður að skrá inn í kerfið til og með 1. ágúst. Engin haustbók verður send út fyrr en því er lokið. Bændur eru því hvattir til að skila gögnum frá sl. vori (vorgögnum) inn tímanlega, vilji þeir fá uppfært kynbótamat í haustbókum sínum haustið 2013.

eib