Hrossaræktarfundir - fundarferð um landið

Hrossaræktarfundir - fundarferð um landið.
Fundir um málefni hrossaræktarinnar hefjast fljótlega en Sveinn Steinarsson formaður Félags hrossabænda og Þorvaldur Kristjánsson hrossaræktarráðunautur RML verða á ferðinni um landið og kynna það sem er efst á baugi. Helstu málefni sem tekin verða fyrir á fundunum eru eftirfarandi:

• Nýtt ræktunarmarkmið í hrossarækt
• Dómskalinn – þróun og betrumbætur
• Nýir vægistuðlar eiginleikanna
• Málefni og starf Félags hrossabænda

Eins og sjá má verður margt áhugavert tekið til umræðu.

Fundirnir verða haldnir á eftirfarandi stöðum:

• 19. febrúar miðvikudagur. Hafnarfjörður – Reiðhöll Sörla kl. 20:00.
• 20. febrúar fimmtudagur.  Borgarnes – félagsheimili Borgfirðings kl. 20:30.
• 25. febrúar þriðjudagur.  Höfn í Hornafirði - Fornustekkar kl. 20:00
• 26. febrúar miðvikudagur.  Austurland – Iðavellir kl. 20:00
• 2. mars mánudagur Suðurland -  Reiðhöllin á Hellu kl. 20:00.
• 5. mars fimmtudagur. Þingeyjarsveit - Ljósvetningabúð kl. 20:00.
• 6. mars föstudagur. Skagafjörður - Tjarnarbær kl. 20:00.
• 10. mars þriðjudagur. Vestur-Húnavatnssýsla - Gauksmýri kl. 20:00.  

Við hvetjum hestamenn og hrossaræktendur til að fjölmenna á fundina og nýta tækifærið til að kynna sér verkefnin og leggja sitt til málanna.

Þorvaldur/Helga