DNA-sýnataka úr öllum kvígum um næstu áramót

Fyrirhugað er að hefja DNA-sýnatöku úr öllum kvígum vegna erfðamengisúrvals í nautgriparækt um næstu áramót. Fyrirkomulagið verður þannig að sýnataka verður í höndum bænda sjálfra þannig að hún fer fram um leið og merki eru sett í kvígurnar. Unnið er að því að hægt verði að panta merki með sýnaglösum.

Við biðjum því þá sem eru að panta kálfamerki þessa dagana að hinkra eilítið ef þess er nokkur kostur en panta að öðrum kosti lágmarksmagn. Rétt er þó að hafa í huga að þau merki sem pöntuð eru án sýnatökuglass munu áfram nýtast til merkingar á nautkálfum.

Nánari upplýsingar gefur Guðmundur Jóhannesson, netfang: mundi@rml.is.