Áríðandi tilkynning til notenda FJARVIS.IS

Á miðnætti 26. mars nk. verður skýrsluhaldskerfinu í sauðfjárrækt FJARVIS.IS lokað vegna flutnings á skýrsluhaldsgögnum yfir í nýtt skýrsluhaldskerfi.

Ný útgáfa af FJARVIS.IS verður opnuð þriðjudaginn 31. mars en um er að ræða nýja kynslóð af skýrsluhaldskerfinu. Notendur munu upplifa nýtt viðmót þar sem tekið hefur verið tillit til óska notenda FJARVIS.IS um þægilegra og nútímalegra kerfi.

Bændasamtök Íslands standa fyrir opnum kynningarfundum um allt land á næstu vikum sem Ráðgjafarmiðstöð landbúnaðarins sér um.

Í nýju skýrsluhaldskerfi eru ekki allir skráningarmöguleikar klárir. Þar á meðal er skráning á fjölda fóstra eftir fósturtalningu. Þeir sem hafa skráð fjölda fóstra núna fyrir árið 2015 eða hafa það í hyggju eru hvattir til að ljúka þeirri skráningu fyrir 26. mars og vista þau gögn hjá sér til að hafa þau aðgengileg á sauðburði í vor. Þessi skráning verður tilbúin síðar á árinu ásamt öðrum atriðum sem ekki eru tilbúin núna við opnun.

Nánari upplýsingar veitir Eyjólfur Ingvi Bjarnason ráðunautur hjá RML í síma 516-5000.

eib/okg