Umsóknarfrestur fyrir nautgripabændur í Loftslagsvænan landbúnað er til 20. júní

Loftslagsvænn landbúnaður er hluti af aðgerðaáætlun stjórnvalda í loftslagsmálum. Markmið verkefnisins er að draga úr losun  gróðurhúsalofttegunda og auka kolefnisbindingu.

Auglýst er eftir fimmtán þátttökubúum í nautgriparækt, til allt að fimm ára, sem hafa áhuga á að setja sér skriflega aðgerðaáætlun fyrir búreksturinn, hrinda markmiðum í framkvæmd og vera virkir þátttakendur í vegferð landbúnaðarins að loftslagsvænum lausnum.

Verkefnastjórn áskilur sér rétt til að velja þátttakendur, verði umsækjendur, verði umsækjendur fleiri en fimmtán, en öll þátttökubú þurfa að uppfylla lögbundnar skýrsluhaldskörfur sbr. 4. gr. reglugerðar um stuðning við nautgriparækt. 

Þátttakendur fá heildstæða ráðgjöf, fræðslu og aðhald frá RML, Landgræðslunni og Skógræktinni. Auk þessa þátttökustyrk, styrk til efnagreininga og þegar líður á verkefnið aðgerða- og árangurstengdar greiðslur.

Verkefnið hefst í ágúst/sept 2022 og er umsóknarfrestur til 20. júní n.k. Umsóknareyðublað má nálgast hér á heimasíðu RML, í gegnum tengil hér neðar. 

Nánari upplýsingar veitir Berglind Ósk Alfreðsdóttir verkefnastjóri, berglind@rml.is og í síma 516-5000.

Sjá nánar: 
Sækja um þátttöku í Loftslagsvænum landbúnaði

/okg