Námskeið um hagkvæmni í nautakjötsframleiðslu

Í dag er afurðaverð til nautakjötsframleiðenda það hæsta sem hefur verið í langan tíma og jafnt og þétt eykst nautakjötsneysla landsmanna. Það er því eftir miklu að slægjast á markaðnum í dag; hátt verð og næg eftirspurn ættu að vera hvatning til bænda víða um land til að framleiða meira en nú er gert. Þá hefur ásetningshlutfall nautkálfa verið lágt það sem af er vetri og því hætt við að mikiil vöntun verði á markaðnum að 1,5-2 árum liðnum. Þóroddur fór yfir það hvaða nautgripakyn henti best við okkar aðstæður og hvernig skuli standa að blendingsrækt til að hámarka blendingsþrótt í hverri kynslóð. Þá var einnig rætt um það hvers konar eldi ætti að vera á hverjum hluta æviskeiðs gripanna. Námskeiðið var mjög fróðlegt í alla staði og umræðurnar meðal þátttakenda á námskeiðinu voru líflegar og skemmtilegar.

okg/jþr