Kynbótasýningar - skráningar og staða mála

Skráningar á kynbótasýningar gengu vel í dag. Þegar þetta er skrifað er búið að skrá rúmlega 1.000 hross á þær 12 sýningar sem eru í boði.
Fjórar sýningar eru þegar fullar en það eru þessar sýningar:

• Gaddstaðaflötum við Hellu dagana 30. maí til 4. júní.
• Gaddstaðaflötum við Hellu dagana 6. til 10. júní.
• Sörlastöðum í Hafnarfirði vikuna 6. til 10. júní.
• Hólum í Hjaltadal dagana 13. til 16. júní.

Nú getur það vel gerst að það losni um pláss vegna afskráninga á hrossum þannig að það er um að gera að fylgjast vel með, ef pláss losna á sýningum sem fylltust þá koma þær aftur upp sem möguleiki í skráningarkerfinu. Þegar þetta er skrifað eru enn laus um 450 pláss á aðrar vorsýningar.
Að lokum minnum við á að lokaskráningadagur á fyrstu sýninguna á Gaddstaðaflötum (vika 23. til 27. maí) er á föstudaginn 13. maí. Á aðrar sýningar þar sem pláss eru laus er hægt að skrá til 20. maí.

/hh